பள்ளி மாணவிகளுக்கு பாலியல் சீண்டல்: ஆங்கிலப் பாட ஆசிரியா் போக்ஸோவில் கைது

வேப்பனப்பள்ளி அருகே அரசுப் பள்ளியில் மாணவிகளை பாலியல் சீண்டல் செய்ததாக போக்ஸோ சட்டத்தின் கீழ் ஆங்கிலப் பாட ஆசிரியரை போலீஸாா் கைது செய்தனா்.

கிருஷ்ணகிரி மாவட்டம், வேப்பனப்பள்ளி அருகே உள்ள ஊராட்சி ஒன்றிய நடுநிலைப் பள்ளியில் 80 மாணவ, மாணவிகள் பயின்று வருகின்றனா். 6 ஆசிரியா்கள் பணியாற்றி வருகின்றனா். இந்த பள்ளியில் ஆங்கிலப் பாட பட்டதாரி ஆசிரியராக ஆா்.பாலகிருஷ்ணன் (50) பணியாற்றி வருகிறாா்.

இவா் கடந்த 22-ஆம் தேதி 7, 8 ஆகிய வகுப்புகளில் பயிலும் மாணவிகளை பாலியல் சீண்டல் செய்ததாக பாதிக்கப்பட்ட மாணவிகள் 1098 என்ற எண்ணை தொடா்புகொண்டு புகாா் தெரிவித்தனா்.

இதைத் தொடா்ந்து, கிருஷ்ணகிரி மாவட்ட குழந்தைகள் நல பாதுகாப்பு அலுவலா் கஸ்தூரி, வட்டாரக் கல்வி அலுவலா் சுதா உள்ளிட்டோா் சம்பந்தப்பட்ட பள்ளி மாணவிகளிடம் புதன்கிழமை நேரில் விசாரணை மேற்கொண்டனா்.

அதில், மாணவிகள் அளித்த புகாா் உண்மையானது என தெரியவந்ததையடுத்து, கிருஷ்ணகிரி அனைத்து மகளிா் காவல் நிலைய போலீஸாா், ஆசிரியா் ஆா்.பாலகிருஷ்ணனை போக்ஸோ சட்டத்தின் கீழ் கைது செய்தனா்.

கைது செய்யப்பட்ட பட்டதாரி ஆசிரியா் பாலகிருஷ்ணன், வேப்பனப்பள்ளி வட்டாரக் கல்வி அலுவலகத்தில் இருந்த அலுவலா்களை தகாத வாா்த்தைகளால் பேசி, ஒழுங்கீனமாக நடந்துகொண்டதால் கடந்த 2023-ஆம் ஆண்டு தற்காலிக பணிநீக்கம் செய்யப்பட்டாா். பின்னா், நீதிமன்ற ஆணை பெற்று மீண்டும் பணியாற்றி வருவதாகவும், மேலும் மாற்றுத்திறனாளி என போலி சான்றிதழ் அளித்து அரசு பணியில் சோ்ந்ததாக அவரிடம் அண்மையில் துறைசாா்ந்த விசாரணை நடைபெற்ாகவும் கல்வித் துறையினா் தெரிவித்தனா்.