பிரதமா் வருகையை முன்னிட்டு ஹெலிபேட் அமைக்கும் பணி

அரியலூா் மாவட்டம், கங்கைகொண்டசோழபுரத்தில், மத்திய கலாசார துறை சாா்பில் நடைபெற்று வரும் மாமன்னா் ராஜேந்திரச் சோழனின் முப்பெரும் விழாவின் நிறைவு நாளான ஜூலை 27 ஆம் தேதி நடைபெறும் விழாவில் பிரதமா் மோடி பங்கேற்பதை முன்னிட்டு, அங்கு ஹெலிபேட் அமைக்கும் பணிகள் தீவிரமாக நடைபெறுகிறன.

ராஜேந்திர சோழனின் 1,005-ஆவது பிறந்த நாள் விழா, கங்கைகொண்டசோழபுரத்தைக் கட்டத் தொடங்கிய ஆயிரமாவது ஆண்டு விழா, தென்கிழக்கு ஆசிய நாடுகளின் மீது படையெடுத்துச் சென்ற ஆயிரமாவது ஆண்டு நிறைவு விழா என முப்பெரும் விழா, சோழா் கால கோயில்கள் கண்காட்சியுடன் புதன்கிழமை மாலை தொடங்கியது.

இந்த விழாவின் நிறைவு நாளான ஞாயிற்றுக்கிழமை (ஜூலை 27) பிரதமா் நரேந்திர மோடி கலந்து கொண்டு, பெருவுடையாரை தரிசனம் செய்து, கோயில் வளாகம் மற்றும் புகைப்படக் கண்காட்சியைப் பாா்வையிடுகிறாா். பின்னா் நடைபெறும் விழாவில் மாமன்னா் ராஜேந்திர சோழன் நினைவு நாணயத்தை வெளியிடுகிறாா்.

இதை முன்னிட்டு, அவா் ஹெலிகாப்டரில் வந்திறங்க ஏதுவாக அப்பகுதியிலுள்ள தனியாா் நிலத்தில் 3 ஏக்கா் இடம் தோ்வு செய்யப்பட்டு ஹெலிபேட் அமைக்கும் பணி முடுக்கி விடப்பட்டுள்ளது. இப்பணிகளை மாவட்ட ஆட்சியா் பொ. ரத்தினசாமி ஆய்வு செய்தாா்.