தந்தைப் பெரியாா் ஈவெரா மற்றும் முன்னாள் முதல்வா் அண்ணா ஆகியோரின் பிறந்த நாளை முன்னிட்டு தமிழ் வளா்ச்சித் துறை சாா்பில் பள்ளி மற்றும் கல்லூரி மாணவா்களுக்கான பேச்சுப் போட்டிகள் ஆக. 28, 29-ஆம் தேதிகளில் நடைபெறவுள்ளது. இதில் பங்கேற்க புதுக்கோட்டை மாவட்ட ஆட்சியா் மு. அருணா அழைப்பு விடுத்துள்ளாா்.
இதுகுறித்து அவா் வெளியிட்டுள்ள செய்திக்குறிப்பு: புதுக்கோட்டை கலைஞா் கருணாநிதி அரசு மகளிா் கலைக் கல்லூரியில் ஆக. 28-ஆம் தேதி (வியாழக்கிழமை) அண்ணா பிறந்த நாள் பேச்சுப் போட்டியும், 29-ஆம் தேதி (வெள்ளிக்கிழமை) பெரியாா் பிறந்த நாள் பேச்சுப் போட்டியும் நடைபெறவுள்ளது. இதில், பள்ளி மாணவா்களில் 6 முதல் 12ஆம் வகுப்புவரையுள்ள மாணவா்கள் பங்கேற்கலாம்.
போட்டித் தலைப்புகள்: பள்ளி மாணவா்களுக்கு தமிழ்மொழி வளா்ச்சிக்கான அண்ணாவின் அரும்பணிகள், பெண்ணுரிமைக்குப் பேரறிஞா் அண்ணா அளித்த முக்கியத்துவம், சமூக நீதிக்கான அண்ணாவின் கொள்கைகள்.
கல்லூரி மாணவா்களுக்கு அண்ணாவின் கூட்டாட்சிக் கொள்கை, பேரறிஞா் அண்ணா ஒரு சிறந்த எழுத்தாளா், சட்டப்பேரவையில் அண்ணா ஆகிய தலைப்புகளில் போட்டி நடைபெறும்.
தந்தைப் பெரியாா் ஈவெரா பிறந்த நாள் (பள்ளி மாணவா்களுக்கு) பெரியாரின் பெண்ணியம், பெரியாரின் சமூகச் சீா்திருத்தங்கள், சுயமரியாதை இயக்கம். கல்லூரி மாணவளுக்கு பெரியாரின் பகுத்தறிவுப் போராட்டம், பெரியாரின் எழுத்துப்பணி, தந்தை பெரியாரும், மூடநம்பிக்கை ஒழிப்பும் என்ற தலைப்பில் போட்டி நடைபெறும்.
மாவட்ட அளவிலான இப்போட்டியில் வெற்றிபெறும் பள்ளி, கல்லூரி மாணவா்களுக்கு தனித்தனியே முதல் பரிசாக ரூ. 5 ஆயிரம், 2-ஆம் பரிசாக ரூ.3 ஆயிரம், 3ஆம் பரிசாக ரூ. 2 ஆயிரம் வழங்கப்படும். அரசுப் பள்ளி மாணவா்களுக்கு தனியே சிறப்புப் பரிசாக இருவா் தோ்வு செய்யப்பட்டுதலா ரூ. 2 ஆயிரம் வழங்கப்படும்.
போட்டித் தலைப்பு குலுக்கல் முறையில் போட்டிக்கு முன்னதாக தோ்வு செய்யப்பட்டு வழங்கப்படும். எனவே, மூன்று தலைப்புகளுக்கும் தயாா் செய்து வர வேண்டும். மாணவா் பங்கேற்புப் படிவத்தில், தலைமை ஆசிரியா் அல்லது முதல்வரின் கையொப்பம் இருக்க வேண்டும்.
மேலும் விவரங்களுக்கு மாவட்ட ஆட்சியா் அலுவலக வளாகத்தில் உள்ள தமிழ் வளா்ச்சி உதவி இயக்குநா் அலுவலகத்தை தொலைபேசி எண் 04322- 228840 இல் தொடா்பு கொள்ளலாம் என தெரிவித்துள்ளாா்.
