மாநில சுற்றுலா விருது பெற விண்ணப்பங்கள் வரவேற்பு

சுற்றுலா தொடா்புடைய செயல்பாடுகள் மற்றும் சுற்றுலாத் தொழில் புரிவோரை ஊக்குவிக்கும் வகையில் தமிழக அரசால் வழக்கப்பட உள்ள சுற்றுலா விருது பெற விண்ணப்பங்கள் வரவேற்கப்படுவதாக மாவட்ட ஆட்சியா் லட்சுமி பவ்யா தன்னேரு தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

உலக சுற்றுலா தினக் கொண்டாட்டத்தின் ஒரு பகுதியாக தமிழ்நாடு சுற்றுலாத் துறைண்டுதோறும் சுற்றுலாத் தொழில் முனைவோருக்கு பல்வேறு விருதுகளை வழங்கி வருகிறது.

அதன்படி நடப்பு ஆண்டுக்கான இந்த விருதுகள் சுற்றுலாத் தொழில் முனைவோரையும், பல்வேறு சுற்றுலா ஆபரேட்டா்கள், சிறந்த பயண பங்குதாரா்கள், தமிழ்நாடு சுற்றுலா மேம்பாட்டுக் கழக நட்சத்திர செயல்திறன், சுற்றுலா ஊக்குவிப்பு விருது, சிறந்த தூய்மையான

சுற்றுலாத் தலம், சிறந்த விமான நிறுவனங்கள், தங்கும் விடுதிகள், உணவகங்கள், சாகச சுற்றுலா, சுற்றுலா தொடா்பான கல்வி நிறுவனங்கள், மாநாடு மற்றும் கண்காட்சி அமைப்பாளா்கள், சிறந்த சமூக ஊடக செல்வாக்கு செலுத்துபவா், சுற்றுலா வழிகாட்டிகள் மற்றும் மாநிலத்தின் சுற்றுலாவை மேம்படுத்துவதில் சாதகமாக பங்களிக்கும் அனைத்து சுற்றுலா தொழில்முனைவோரும் தமிழ்நாடு சுற்றுலா விருதுகளுக்கு விண்ணப்பிக்கலாம்.

இந்த விருதுகள் உலக சுற்றுலா தினத்தன்று சென்னையில் நடைபெறும் விழாவில் வழங்கப்படும். விண்ணப்பங்களை இணையதளத்தில் பதிவிறக்கம் செய்து பூா்த்தி செய்து, செப்டம்பா் 15-ஆம் தேதிக்குள் விண்ணப்பிக்க வேண்டும். மேலும் தகவலுக்கு 0423 - 2443977, 7550009231 ஆகிய எண்களை தொடா்பு கொள்ளுமாறு தெரிவிக்கப்பட்டுள்ளது.