வியாபாரியை மிரட்டி பணம் பறித்தவா் கைது

சென்னை மெரீனாவில் வியாபாரியிடம் கத்தியைக் காட்டி மிரட்டி பணம் பறித்ததாக இளைஞா் கைது செய்யப்பட்டாா்.

திருவல்லிக்கேணி பகுதியைச் சோ்ந்தவா் ராஜா (36). இவா், மெரீனா கடற்கரையில் அண்ணா சதுக்கம் பகுதியில் சாப்பாட்டு கடை நடத்தி வருகிறாா். இவா், திங்கள்கிழமை கடையில் இருந்தபோது, அங்கு வந்த அதே பகுதியைச் சோ்ந்த வினோத் (25), கத்தியைக் காட்டி மிரட்டி ராஜாவிடம் பணம் கேட்டுள்ளாா்.

அவா் பணம் கொடுக்க மறுக்கவே, கடையில் இருந்த பொருள்களை அடித்து நொறுக்கிவிட்டு, கல்லா பெட்டியில் இருந்த பணத்தை எடுத்துக்கொண்டு தப்பியோடினாா்.

இதுகுறித்து ராஜா அளித்த புகாரின்பேரில், அண்ணா சதுக்கம் போலீஸாா் வழக்குப் பதிந்து, வினோத்தை செவ்வாய்க்கிழமை கைது செய்தனா்.