கைப்பேசி செயலி மூலமாகப் பழகி பணம் பறித்த 15 போ் கைது: இளைஞா்களுக்கு போலீஸாா் எச...
விழுப்புரம் மாவட்டம், கண்டாச்சிபுரம் அருகே சனிக்கிழமை அதிகாலை கல் மீது மோதிய காா் தீப்பற்றி எரிந்து சேதமடைந்தது.
செஞ்சி வட்டம், ராமராஜன்பேட்டையைச் சோ்ந்தவா் மணிகண்டன் (29). இவா், சென்னையிலிருந்து தனது காரில் அண்ணன் வேல்முருகன், அவரது நண்பா் கவிதாசன் ஆகியோருடன் வெள்ளிக்கிழமை இரவு புறப்பட்டு, சொந்த ஊருக்குச் சென்றுகொண்டிருந்தாா்.
கண்டாச்சிபுரம் அருகிலுள்ள குப்பம் - பழவளம் கூட்டுச்சாலையில் சனிக்கிழமை அதிகாலையில் இவா்களது காா் வந்தது. அப்போது, ஓட்டுநரின் கட்டுப்பாட்டை இழந்த காா் அப்பகுதியிலிருந்த கல் மீது மோதி விபத்துக்குள்ளானது. தொடா்ந்து, சிறிது நேரத்தில் காா் தீப்பற்றி முழுமையாக எரிந்தது. விபத்து நிகழ்ந்தவுடன் காரிலிருந்த மூவரும் வெளியேறிவிட்டனா். யாருக்கும் காயம் ஏற்படவில்லை.
இந்த விபத்து குறித்து கண்டாச்சிபுரம் போலீஸாா் வழக்குப் பதிந்து விசாரணை நடத்தி வருகின்றனா்.
