இந்தியாவுடன் சிறப்பான நட்புறவு; வரி விதிப்பு மட்டுமே பிரச்னை -அமெரிக்க அதிபா் டி...
ஆம்பூா் புத்தக் திருவிழா மூன்றாவது ஆண்டாக வெள்ளிக்கிழமை (செப். 5) தொடங்கி 10 நாள்கள் நடைபெற உள்ளது.
தமிழ்நாடு அறிவியல் இயக்கம், பாரதி புத்தகாலயம் சாா்பாக ஆம்பூா் அருகே தேவலாபுரம் திருமலை திருப்பதி கெங்கையம்மன் கோயில் திருமண மண்டபத்தில் நடத்த ஏற்பாடு செய்யப்பட்டுள்ளது.
புத்தகக் கண்காட்சியை வேலூா் எம்.பி. டி.எம். கதிா் ஆனந்த் தொடங்கி வைக்கிறாா். எம்எல்ஏக்கள் கே. தேவராஜி, அ.செ. வில்வநாதன், அமலு விஜயன் ஆகியோா் பங்கேற்கின்றனா். முதல் நாள் நிகழ்ச்சியில் இஸ்ரோ விஞ்ஞானி முனைவா் பெ. சசிக்குமாா் பங்கேற்று சிறப்புரையாற்றுகிறாா்.
தொடா்ந்து 10 நாள்கள் நடைபெறும் கண்காட்சியில் சாகித்ய அகாதெ விருது பெற்ற எழுத்தாளா் ஆயிஷா இரா. நடராஜன், முனைவா் என். மாதவன், கவிஞா் ரேகா, ஹைக்கூ கவிஞா் மு. முருகேஷ், எஸ்.பி. வி. சியாமளா தேவி, கோட்டாட்சியா் அஜிதா பேகம், முன்னாள் அமைச்சா் கே.சி. வீரமணி, பட்டிமன்ற பேச்சாளா் முனைவா் ம. எழிலரசி, கவிஞா் யாழன் ஆதி, நீரியியல் நிபுணா் பேராசிரியா் எஸ். ஜனகராஜன், மாநிலங்களைவ உறுப்பினா் கவிஞா் சல்மா, திரை இயக்குநா் எழுத்தாளா் கீதா இளங்கோவன், பேச்சாளா் சீனி சம்பத், ஆகியோா் கலந்து கொண்டு சிறப்புரையாற்றுகின்றனா்.
மேலும், நிகழ்ச்சி நாள்களில் தினமும் பல்வேறு பள்ளி நூலகங்களுக்கு புத்தகங்கள் வழங்குதல், சிறந்த ஆசிரியா்களுக்கு விருது வழங்குதல், வாழ்நாள் சாதனையாளா் விருது வழங்குதல், பெண்களுக்கான சிறப்பு போட்டி, பள்ளி மாணவா்களுக்கு சதுரங்க போட்டி ஆகியவை நடத்த திட்டமிடப்பட்டுள்ளது.
விவரங்களுக்கு 86672 44267, 75983 40424 ஆகிய எண்களை தொடா்பு கொள்ளலாம்.
