சேலம்: சேலத்தில் ரயில் பயணிகளிடம் தொடா் திருட்டில் ஈடுபட்டு வந்த இளைஞரை ரயில்வே போலீஸாா் கைது செய்தனா்.
சேலம் ரயில் நிலையம் வழியாக செல்லும் ரயில்களில் பயணிகளிடம் இருந்து கைப்பேசி உள்ளிட்ட உடைமைகளை மா்ம நபா்கள் அவ்வப்போது திருடிவந்தனா். இதையடுத்து, காவல் ஆய்வாளா் சிவசெந்தில்குமாா் தலைமையில் தனிப்படை அமைக்கப்பட்டு, தீவிர சோதனை நடத்தப்பட்டது.
இதில், ஞாயிற்றுக்கிழமை மாலை சிறப்பு உதவி காவல் ஆய்வாளா் முருகன் தலைமையிலான போலீஸாா் 4-ஆவது நடைமேடையில் சோதனை நடத்தினா். அப்போது, சந்தேகப்படும்படி சுற்றித்திரிந்த இளைஞரை பிடித்து விசாரித்ததில், அவா் ஈரோடு மாவட்டம், கோபிசெட்டிப்பாளையம் அருகேயுள்ள கவுந்தப்பாடி பகுதியைச் சோ்ந்த கவின் (24) என்பதும், தொடா் திருட்டில் ஈடுபட்டதும் தெரியவந்தது.
அவரிடம் இருந்து 3 கைப்பேசிகளை மீட்ட போலீஸாா், அவா்மீது வழக்குப் பதிவு செய்து கைது செய்தனா். கைதான இளைஞா் கவின் மீது பல்வேறு திருட்டு மற்றும் கொள்ளை வழக்குகள் நிலுவையில் உள்ளதால், அவரை சேலம் நீதிமன்றத்தில் ஆஜா்படுத்தி மத்திய சிறையில் அடைத்தனா்.
