வாக்குப் பதிவு மையங்கள் மறுசீரமைப்பு கூட்டம்

குடியாத்தம் சட்டப் பேரவைத் தொகுதியில் வாக்குப் பதிவு மையங்கள் மறுசீரமைப்பு குறித்த ஆலோசனைக் கூட்டம் கோட்டாட்சியா் அலுவலகத்தில் செவ்வாய்க்கிழமை நடைபெற்றது.

கூட்டத்துக்கு கோட்டாட்சியா் எஸ்.சுபலட்சுமி தலைமை வகித்தாா். 1,200- க்கும் அதிகமான வாக்காளா்களைக் கொண்ட வாக்குப் பதிவு மையங்களை பிரித்து அமைப்பது, வாக்காளா் பட்டியலில் இறந்தவா்களின் பெயா்களை நீக்குவது குறித்து முடிவெடுக்கப்பட்டது. தொகுதியில் உள்ள 293- வாக்குப் பதிவு மையங்களை 317- வாக்குப் பதிவு மையங்களாக அதிகரிக்கவும் தீா்மானிக்கப்பட்டது.

கூட்டத்தில் எம்எல்ஏ அமலுவிஜயன், நகா்மன்றத் தலைவா் எஸ்.செளந்தரராஜன் மற்றும் அனைத்துக் கட்சி நிா்வாகிகள், வட்டாட்சியா் கி.பழனி, ஆணையா் எம்.மங்கையா்க்கரசன் உள்ளிட்டோா் கலந்து கொண்டனா்.