இதயம் தொடரில் இணைந்த இன்ஸ்டாகிராம் பிரபலம்!

ஜீ தமிழ் தொலைக்காட்சியில் ஒளிபரப்பாகிவரும் இதயம் தொடரில் இன்ஸ்டாகிராம் பிரபலம் இணைந்துள்ளார்.

நடிப்பின் மீது அதீத ஆர்வம் கொண்டு விடியோக்களை பதிவிட்டு வந்த ஸ்வேதா குமார், இந்த வாய்ப்பின் மூலம் முழுநேர நடிகையாக மாறியுள்ளார்.

சமூக வலைதளத்தில் பிரலமான இவர், இதயம் தொடரில் நடிப்பதால், பார்வையாளர்களின் எண்ணிக்கை அதிகரிக்கும் என்றும், கதையில் புதிய திருப்பங்களுக்கு வழிவகுக்கும் என்றும் ரசிகர்கள் கருதுகின்றனர்.

மிகுந்த உணர்வுப்பூர்வமான, யமுனா என்ற பாத்திரத்தில் நடிப்பதால், தனது நடிப்புத் திறனை முழுமையாக வெளிப்படுத்தும் வாய்ப்பு ஸ்வேதாவிற்கு இத்தொடரில் அமைந்துள்ளது.

ஜீ தமிழ் தொலைக்காட்சியில் திங்கள் முதல் சனிக்கிழமை வரை பிற்பகல் 2 மணிக்கு இதயம் தொடர் ஒளிபரப்பாகி வருகிறது.

காதல் கதையை மையப்படுத்தி எடுக்கப்பட்டு வந்த இந்தத் தொடரில் ஜனனி அசோக் குமார் நடித்து வந்தார். அவருக்கு ஜோடியாக ரிச்சர்ட் ஜோஷ் நடித்தார்.

தவிர்க்க முடியாத காரணத்தினால் ஜனனி அசோக் குமார் இதயம் தொடரில் இருந்து விலகியதால், அத்தொடரை முடித்துவிட்டு, இதயம் -2 பாகத்தை எடுத்து வந்தனர். இதில் ஜனனி அசோக் குமாருக்கு பதிலாக பல்லவி என்பவர் நாயகியாக நடித்து வருகிறார்.

இதனிடையே யமுனா என்ற பாத்திரத்தில் இன்ஸ்டாகிராம் பிரபலம் ஸ்வேதா குமார் இதயம் தொடரில் இணைந்துள்ளார். இன்ஸ்டாகிராமில் நடிப்புத் திறமையை வெளிப்படுத்தும் வகையில் பல்வேறு விடியோக்களை பதிவிட்டு வந்த நிலையில், தற்போது நடிக்க வாய்ப்பு கிடைத்துள்ளதால் அவருக்கு ரசிகர்கள் பலர் வாழ்த்துகளைத் தெரிவித்து வருகின்றனர்.

இதையும் படிக்க | சின்ன திரையில் மீண்டும் மாமியார் - மருமகள் கதை! மகளே என் மருமகளே!

The Instagram celebrity swetha kumar has joined idhayam serial, which is airing on Zee Tamil TV.