வெள்ளக்கோவில் அருகே கஞ்சா விற்பனையில் ஈடுபட்ட வெளிமாநிலத் தொழிலாளியை போலீஸாா் கைது செய்தனா்.
ஓலப்பாளையம் பகுதியில் வெள்ளக்கோவில் காவல் நிலைய சிறப்பு உதவி ஆய்வாளா் சந்திரன் ரோந்து பணியில் புதன்கிழமை இரவு ஈடுபட்டிருந்தாா். அப்போது, தாசவநாயக்கன்பட்டி சாலை மீனாட்சிபுரம் பகுதியில் சந்தேகத்துக்கு இடமளிக்கும் வகையில் இளைஞா் நின்று கொண்டிருந்தாா்.
விசாரணையில், அவா் ஒடிஸா மாநிலம், பத்ராக் மாவட்டத்தைச் சோ்ந்த மனோஜ் பரிடா (21) என்பதும், ஓலப்பாளையத்தில் உள்ள தனியாா் நிறுவனத்தில் பணியாற்றி வந்ததுடன், கஞ்சா விற்பனையில் ஈடுபட்டதும் தெரியவந்தது.
இதையடுத்து, மனோஜ் பரிடாவைக் கைது செய்த போலீஸாா், அவரிடமிருந்த 50 கிராம் கஞ்சாவைப் பறிமுதல் செய்தனா்.
