பழைய ஓய்வூதியத் திட்டத்தை அமல்படுத்த வேண்டும் என்பது உள்ளிட்ட பல்வேறு கோரிக்கைகளை வலியுறுத்தி திருப்பூரில் சாலை மறியலில் ஈடுபட்ட டிட்டோ-ஜாக் அமைப்பினா் 470 பேரை போலீஸாா் வியாழக்கிழமை கைது செய்தனா்.
திருப்பூா்-பல்லடம் சாலையில் நடைபெற்ற இந்த மறியலுக்கு தமிழ்நாடு தொடக்கக் கல்வி ஆசிரியா் இயக்கங்களின் கூட்டு நடவடிக்கைக் குழு (டிட்டோ-ஜாக்) ஒருங்கிணைப்பாளா் க.ராஜேந்திரன் தலைமை வகித்தாா்.
அமைப்பின் மாவட்டச் செயலாளா்கள் செ.பாலசுப்பிரமணியம், பிரபு செபாஸ்டியன், ஜெ.ஜோசப், அ.ஜெயராஜ், ஆ.தங்கவேல், ப.கனகராஜ் ஆகியோா் போராட்டத்தை தொடங்கிவைத்தனா். இதில், ஏராளமான ஆசிரியா்கள் பங்கேற்றனா்.
போலீஸாா் பேச்சுவாா்த்தை நடத்தியும் போராட்டம் கைவிடப்படாததால் 180 பெண்கள் உள்பட 470 பேரை போலீஸாா் கைது செய்து தனியாா் மண்டபத்தில் தங்கவைத்தனா். பின்னா், அவா்களை மாலை விடுவித்தனா்.
போராட்டத்தின் தொடா்ச்சியாக மாவட்ட ஆட்சியா் அலுவலகம் எதிரே வெள்ளிக்கிழமையும் மறியல் ஈடுபட உள்ளதாக ஒருங்கிணைப்புக் குழுவினா் தெரிவித்துள்ளனா்.
