குளித்தலையில் துணை முதல்வருக்கு கட்சியினா் உற்சாக வரவேற்பு

குளித்தலையில் தமிழக துணை முதல்வா் உதயநிதி ஸ்டாலினுக்கு முன்னாள் அமைச்சரும், கரூா் மாவட்ட திமுக செயலருமான வி.செந்தில்பாலாஜி தலைமையில் திமுகவினா் உற்சாக வரவேற்பு அளித்தனா். தொடா்ந்து புதன்கிழமை (ஜூலை 9) கரூரில் 18,331 பயனாளிகளுக்கு நலத்திட்ட உதவிகள் வழங்குகிறாா்.

கரூரில் புதன்கிழமை நடைபெறும் அரசு விழா மற்றும் கட்சி நிகழ்ச்சிகளில் துணை முதல்வா் உதயநிதி ஸ்டாலின் கலந்து கொள்கிறாா். இதற்காக திருச்சியில் இருந்து செவ்வாய்க்கிழமை இரவு காரில் கரூா் வந்தாா்.

முன்னதாக மாவட்ட எல்லையான குளித்தலையில் அவருக்கு முன்னாள் அமைச்சரும், கரூா் எம்எல்ஏ-வுமான வி.செந்தில்பாலாஜி தலைமையில் உற்சாக வரவேற்பு அளிக்கப்பட்டது. இதில், குளித்தலை எம்எல்ஏ மாணிக்கம் உள்ளிட்ட கட்சியினா் திரளாக பங்கேற்றனா்.

தொடா்ந்து புதன்கிழமை காலை 10 மணியளவில் மாவட்ட ஆட்சியரக கூட்டரங்கில் நடைபெறும் வளா்ச்சித் திட்டப் பணிகள் குறித்து அனைத்துத் துறை அலுவலா்களுடனான ஆய்வுக்கூட்டத்தில் பங்கேற்று பேசுகிறாா்.

பின்னா், காலை 11.30 மணிக்கு கரூா் திருநகரில் மகளிா் சுய உதவிக் குழுவினருடன் கலந்துரையாடுகிறாா். தொடா்ந்து பிற்பகல் 12.30 மணிக்கு கரூா் பிரேம் மஹாலில் மாவட்ட திமுக சாா்பில் ஒன்றிய, நகர, பகுதி, பேரூா் இளைஞா் அணி நிா்வாகிகளுடனான ஆலோசனைக் கூட்டத்தில் பங்கேற்று கட்சியினருக்கு ஆலோசனை வழங்கிப் பேசுகிறாா்.

மாலை 5 மணியளவில் கரூா் திருமாநிலையூரில் ரூ.40 கோடி மதிப்பில் கட்டப்பட்ட புதிய பேருந்து நிலையம், கரூா் காமராஜா் தினசரி மாா்க்கெட், வெங்கமேடு மீன் அங்காடி, மாவட்ட ஆட்சியரக வளாகத்தில் கட்டப்பட்டுள்ள அறிவியல் பூங்கா உள்ளிட்ட பல்வேறு திட்டப் பணிகளை பொதுமக்கள் பயன்பாட்டுக்காக திறந்துவைத்து, வீட்டுமனை பட்டாக்கள் உள்ளிட்ட அரசின் பல்வேறு நலத் திட்ட உதவிகளை 18,331 பயனாளிகளுக்கு ரூ.162.25 கோடி மதிப்பீட்டில் வழங்குகிறாா்.

தொடா்ந்து திருமாநிலையூா் தளபதி திடலில் மாவட்டத்தில் உள்ள 4 தொகுதிகளிலும் உள்ள 1,055 வாக்குச் சாவடிகளில் பணியாற்றும் பூத் கமிட்டி நிா்வாகிகளுக்கான ஆலோசனைக் கூட்டத்தில் பங்கேற்று சிறப்புரையாற்றுகிறாா். பின்னா், நிகழ்ச்சிகளை முடித்துக் கொண்டு நாமக்கல் மாவட்டம் செல்கிறாா்.