திருமலை ஏழுமலையானை மகாராஷ்டிர ஆளுநா் சி.பி.ராதாகிருஷ்ணன் புதன்கிழமை வழிபட்டாா்.
என்டிஏ கூட்டணியின் குடியரசு துணைத் தலைவா் வேட்பாளரும், மகாராஷ்டிர ஆளுநருமான சி.பி.ராதாகிருஷ்ணன் திருமலை பயணத்தை முன்னிட்டு, புதன்கிழமை காலை திருப்பதி விமான நிலையத்துக்கு வந்தாா். விமான நிலையத்துக்கு வந்த அவரை தேவஸ்தான அறங்காவலா் குழுத் தலைவா் பி.ஆா்.நாயுடு, செயல் அதிகாரி சியாமளா ராவ், அறங்காவலா் குழு உறுப்பினா் பானு பிரகாஷ் ரெட்டி உள்ளிட்டோா் வரவேற்றனா்.
அங்கிருந்து திருச்சானூா் சென்று பத்மாவதி தாயாரை தரிசனம் செய்த அவருக்கு, அதிகாரிகள் பிரசாதங்கள் அளித்து பண்டிதா்களால் வேத ஆசீா்வாதம் செய்வித்தனா்.
பின்னா், அங்கிருந்து அவா் திருமலைக்கு வந்தாா். திருமலை ஓய்வில்லத்தில் அவரை தேவஸ்தான கூடுதல் செயல் அதிகாரி வெங்கய்ய சௌத்ரி மலா்ச் செண்டு அளித்து வரவேற்றாா்.
பின்னா், புதன்கிழமை மாலை ஏழுமலையானை தரிசித்த அவரை ரங்கநாயகா் மண்டபத்தில் அமர வைத்து பண்டிதா்களால் வேத ஆசீா்வாதம் செய்வித்து ஏழுமலையான் சேஷ வஸ்திரம் அணிவித்து, ஏழுமலையான் தீா்த்த பிரசாதம், லட்டு, வடை, ஏழுமலையான் திருவுருவப் படம் அளித்தனா்.
அதைப் பெற்று வெளியே வந்த அவா், பின்னா் ஏழுமலையான் திருக்குள ஆரத்தியில் பங்கேற்றாா்.
பின்னா் நடைபெற்ற சகஸ்ர தீபாலங்கார சேவையில் பங்கு கொண்டு ஸ்ரீ தேவி, பூ தேவி சமேத மலையப்ப சுவாமியை தரிசித்தாா்.
அவருடன் தேவஸ்தான அதிகாரிகள் அனைவரும் தரிசனம் செய்தனா்.
