பைக் மீது அரசுப் பேருந்து மோதல்: விவசாயி உயிரிழப்பு

திருவண்ணாமலை மாவட்டம், செங்கம் அருகே பைக் மீது அரசுப் பேருந்து மோதியதில் விவசாயி உயிரிழந்தாா்.

செங்கத்தை அடுத்த காஞ்சி பில்லூா் பகுதியைச் சோ்ந்தவா் விவசாயி கருப்பன் (65). இவரது மனைவி மல்லிகா(55). இருவரும், தருமபுரியில் உள்ள மகளை பாா்ப்பதற்காக வெள்ளிக்கிழை காலை இரு சக்கர வானத்தில் சென்றுகொண்டிருந்தனா்.

அப்போது, மேல்செங்கம் பகுதியில் உள்ள பெட்ரோல்

விற்பனை நிலையத்தில் பெட்ரோல் நிரப்பிக் கொள்ள சென்றபோது, எதிரே பெங்களூரில் இருந்து திருவண்ணாமலை நோக்கி வந்த அரசுப் பேருந்து இருசக்கர வாகனம் மீது மோதியது. இதில், பேருந்தில் சிக்கிய கருப்பன் சம்பவ இடத்திலேயே உயிரிழந்தாா். பலத்த காயமடைந்த மல்லிகாவை மீட்டு சிகிச்சைக்காக செங்கம் அரசு மருத்துவமனையில் சோ்த்தனா்.

சம்பவம் தொடா்பாக மேல்செங்கம் போலீஸாா் வழக்குப் பதிந்து விசாரணை நடத்தி வருகின்றனா்.