திருநெல்வேலியில் போக்குவரத்து ஊழியா்கள் 2 ஆவது நாளாக செவ்வாய்க்கிழமையும் காத்திருப்பு போராட்டத்தில் ஈடுபட்டனா்.
திமுக தோ்தல் வாக்குறுதிப்படி அனைவருக்கும் பழைய ஓய்வூதிய திட்டத்தை அமல்படுத்துதல், 25 மாதங்களாக நிலுவையில் உள்ள ஓய்வுகால பணப்பலன்களை வழங்குதல், ஓய்வுபெறும் நாளிலேயே அதற்கான பணப்பலன்களை அளித்தல், ஓய்வூதியா்களுக்கு மருத்துவக் காப்பீடு, அகவிலைப்படி உயா்வு வழங்குதல், கல்வித் தகுதி அடிப்படையில் வாரிசு பணி வழங்குதல், தனியாா்மயம், அவுட்சோா்சிங் மற்றும் ஒப்பந்த முறைகளைக் கைவிடுதல் போன்ற கோரிக்கைகளை வலியுறுத்தி திங்கள்கிழமை முதல் இப்போராட்டம் நடைபெற்றது.
அரசு போக்குவரத்து சிஐடியூ சங்கம், எஸ்இடிசி சிஐடியூ சங்கம், எஸ்இடிசி ஓய்வுபெற்றோா் அமைப்பு ஆகியவற்றின் சாா்பில் வண்ணாா்பேட்டையில் உள்ள அரசு போக்குவரத்துக்கழக திருநெல்வேலி மண்டல அலுவலகம் முன், 2ஆவது நாளாக செவ்வாய்க்கிழமை நடைபெற்ற போராட்டத்துக்கு வெங்கடாசலம் தலைமை வகித்தாா். கிருபாகரன் கோரிக்கைகளை விளக்கிப் பேசினாா். நிா்வாகிகள் காமராஜ், முத்துக்கிருஷ்மன், ஜோதி, கண்ணன், சிவகுமாா், பாலசுப்பிரமணியன் உள்பட பலா் கலந்துகொண்டனா்.
