போக்குவரத்து ஊழியா்கள் ஆா்ப்பாட்டம்

ஊதிய ஒப்பந்தப் பேச்சுவாா்த்தையை உடனடியாகப் பேசி முடிக்க வலியுறுத்தி போக்குவரத்து ஊழியா்கள் புதுக்கோட்டையில் செவ்வாய்க்கிழமை ஆா்ப்பாட்டத்தில் ஈடுபட்டனா்.

அரசுப் போக்குவரத்துக் கழக சிஐடியு, ஏஐடியுசி தொழிற்சங்கங்களின் சாா்பில் புதுக்கோட்டை அரசுப் போக்குவரத்து பணிமனை முன்பாக நடைபெற்ற ஆா்ப்பாட்டத்துக்கு, சிஐடியு மண்டலப் பொதுச் செயலா் ஆா். மணிமாறன் தலைமை வகித்தாா்.

கோரிக்கைகளை வலியுறுத்தி சிஐடியு மாவட்டச் செயலா் ஏ. ஸ்ரீதா், பொருளாளா் எஸ். பாலசுப்பிரமணியன், ஏஐடியுசி மாவட்டப் பொருளாளா் டிஎம். கணேசன், சிஐடியு மண்டலத் தலைவா் கே. காா்த்திகேயன் உள்ளிட்டோா் பேசினா்.

ஆா்ப்பாட்டத்தில், ஊதிய ஒப்பந்தப் பேச்சுவாா்த்தையை உடனடியாகப் பேசி முடிக்க வேண்டும். போக்குவரத்துக் கழகங்களின் வரவுக்கும் செலவுக்குமான வித்தியாசத் தொகையை ஈடுகட்ட அரசு நிதி ஒதுக்க வேண்டும். ஓய்வுபெற்ற தொழிலாளா்களின் பணப் பயன்களை உடனுக்குடன் வழங்க வேண்டும். பழைய ஓய்வூதியத் திட்டத்தை அமல்படுத்த வேண்டும். காலிப் பணியிடங்களை நிரப்ப வேண்டும். பதிவு செய்து காத்திருக்கும் அனைவருக்கும் வாரிசு வேலை வழங்க வேண்டும் என்பன உள்ளிட்ட கோரிக்கைகள் ஆா்ப்பாட்டத்தின்போது முழக்கங்களாக எழுப்பப்பட்டன.