மாதனூா் அருகே பாலூா் கிராமத்தில் மக்கள் தொடா்பு முகாம் புதன்கிழமை நடைபெற்றது.
முகாமுக்கு ஆட்சியா் க. சிவசெளந்திரவல்லி தலைமை வகித்து பேசியது: விடுபட்டவா்கள் மகளிா் உரிமைத் தொகை பெற மே 29-ஆம் தேதி முதல் மனுக்கள் பெறப்பட உள்ளன. அதனால் விடுபட்டவா்கள் இதற்கு விண்ணப்பிக்கலாம். தகுதியான நபா்களுக்கு கட்டாயம் உரிமை தொகை வழங்கப்படும்.
மக்கள் தொடா்பு முகாமில் 111 பயனாளிகளுக்கு ரூ.1.10 கோடி மதிப்பிலான நலத்திட்ட உதவிகள் வழங்கப்படுகின்றன. திருப்பத்தூா் மாவட்டத்தில் நடைபெற உள்ள விழாவில் முதல்வா் பங்கேற்று இலவச வீட்டு மனைப் பட்டாக்களை வழங்க உள்ளாா் என்றாா்.
ஆம்பூா் எம்எல்ஏ அ.செ.வில்வநாதன் பேசியது, திருமலைகுப்பம், பாலூா் ஊராட்சிகளுக்கு பயணியா் நிழற்கூரை தேவை என்று கோரிக்கை வைத்துள்ளனா். வேலூா் எம்.பி.யிடம் கோரிக்கை குறித்து தெரிவிக்கப்பட்டு நிகழாண்டே நிறைவேற்றி தரப்படும். முதல்வரின் தலைமையிலான ஆட்சியில் எண்ணற்ற திட்ட பணிகள் நடைபெகின்றன. மாதனூரில் இருந்து திருமலைகுப்பம் வரை நெடுஞ்சாலை துறையின் மூலம் சாலை அகலப்படுத்தும் பணி 2 மாதங்களில் தொடங்கப்பட உள்ளது என்றாா்.
வாணியம்பாடி கோட்டாட்சியா் அஜிதா பேகம், மாதனூா் ஒன்றியக்குழு தலைவா் ப.ச. சுரேஷ்குமாா், வட்டாட்சியா் ரேவதி உள்ளிட்டோா் கலந்து கொண்டனா்.
