பெரம்பலூா் அருகே 17 வயது பள்ளி மாணவியை கா்ப்பமாக்கி, திருமணம் செய்து கொண்ட இளைஞருக்கு 20 ஆண்டுகள் சிறைத் தண்டனை விதித்து பெரம்பலூா் மகளிா் நீதிமன்றம் திங்கள்கிழமை தீா்ப்பளித்தது.
பெரம்பலூா் அருகேயுள்ள பீல்வாடி கிராமத்தைச் சோ்ந்த அன்பழகன் மகன் அஜித் (22). இவா், பெரம்பலூா் மாவட்டத்திலுள்ள பள்ளியில் பிளஸ் 2 படித்து வந்த 17 வயது மாணவியை காதலிப்பதாக கூறி, கடந்த 8.3.2022-ஆம் தேதி அவரது வீட்டுக்கு அழைத்துச் சென்று பாலியல் பலாத்காரம் செய்துள்ளாா். பின்னா், தொடா்ந்து அச் சிறுமியை மிரட்டி பலாத்காரம் செய்துள்ளாா். இதனால் கா்ப்பமடைந்த சிறுமியை பீல்வாடி கிராமத்தில் உள்ள பெரியசாமி கோயிலில் கடந்த 8.10.2022 ஆம் தேதி திருமணம் செய்துள்ளாா்.
இதையடுத்து, கா்ப்பமான சிறுமியை மருத்துவப் பரிசோதனைக்காக பெரம்பலூா் மாவட்ட அரசு தலைமை மருத்துவமனைக்கு அஜித் அழைத்துச் சென்றுள்ளாா். அப்போது, அங்கிருந்த மருத்துவா் சிறுமி திருமண வயதை அடையாத நிலையில் கா்ப்பமுற்றிருந்ததால், பெரம்பலூா் மாவட்டக் குழந்தைகள் நல குழுமத்துக்கு தகவல் அளித்ததன் பேரில், குழந்தைகள் நலக் குழும உறுப்பினா் ராமு பெரம்பலூா் அனைத்து மகளிா் காவல் நிலையத்தில் புகாா் அளித்தாா்.
இதுகுறித்து, பெரம்பலூா் அனைத்து மகளிா் காவல் நிலைய போலீஸாா் போக்ஸோ சட்டத்தின் கீழ் வழக்குப் பதிந்து அஜித்தை கைது செய்து சிறையில் அடைத்தனா். பின்னா், நீதிமன்ற பிணையில் அஜித் வெளியே வந்தாா்.
இந்த வழக்கு பெரம்பலூா் மகளிா் நீதிமன்றத்தில் நடைபெற்று வந்தது. இந்த வழக்கை திங்கள்கிழமை இறுதி விசாரணை செய்த நீதிபதி இந்திராணி, சிறுமியை பாலியல் பலாத்காரம் செய்து கா்ப்பமாக்கி, சிறாா் திருமணம் செய்த அஜித்துக்கு 20 ஆண்டுகள் சிறைத் தண்டனையும், ரூ. 1.50 லட்சம் அபராதமும் விதித்து தீா்ப்பு வழங்கினாா். இதையடுத்து, அஜித் திருச்சி மத்திய சிறையில் அடைக்கப்பட்டாா். இந்த வழக்கில், அரசுத் தரப்பில் அரசு குற்றவியல் சிறப்பு வழக்குரைஞா் எம். சுந்தரராஜன் ஆஜரானாா்.
