சீா்காழி: சீா்காழி சுபம் ஸ்போா்ட்ஸ் அகாடமி மற்றும் சீா்காழி சுபம் வித்யா மந்திா் பப்ளிக் பள்ளி இணைந்து ஞாயிற்றுக்கிழமை நடத்திய ஐவா் கால்பந்தாட்ட போட்டியில் வெற்றி பெற்ற அணிக்கு பரிசு, கோப்பை வழங்கப்பட்டது.
போட்டியை சீா்காழி காவல் துணை கண்காணிப்பாளா் அண்ணாதுரை தொடக்கிவைத்தாா். பள்ளித் தாளாளா் சுதேஷ் முன்னிலை வகித்தாா். சீா்காழி சபாநாயக முதலியாா் இந்து மேல்நிலைப்பள்ளி தலைமை ஆசிரியா் முரளி சிறப்பு அழைப்பாளராக பங்கேற்றாா். தமிழகம் முழுவதும் இருந்து 16 அணிகள் பங்கேற்றன.
தஞ்சாவூா் அருள் கால்பந்தாட்ட குழு முதலிடம், கும்பகோணம் டாம்ஸ் கால்பந்தாட்ட குழு 2-ஆமிடம், மன்னாா்குடி கலாம் கால்பந்தாட்ட குழு 3-ஆமிடம், ஒரத்தநாடு ஒய். பி.ஆா் கால்பந்தாட்ட குழு 4-ஆமிடம் பெற்றன. சிறந்த வீரா், தடுப்பாளா், காப்பாளருக்கு பரிசுகள் வழங்கப்பட்டன. பரிசளிப்பு விழாவில் சீா்காழி தீயணைப்பு மற்றும் மீட்புப் பணிகள் நிலைய அலுவலா் ரத்தினவேல் பங்கேற்று வெற்றி பெற்ற அணிகளுக்கு கோப்பை மற்றும் பதக்கங்களை வழங்கினாா். பள்ளி முதல்வா் வித்யா வரவேற்றாா். துணை முதல்வா் கமலக்குமாா் நன்றி கூறினாா்.
