மீனவா் கொலை வழக்கில் ஒருவரை போலீஸாா் கைது செய்து விசாரணை நடத்தி வருகின்றனா்.
சென்னை புது வண்ணாரப்பேட்டை, பூண்டி தங்கம்மாள் தெருவைச் சோ்ந்தவா் அலெக்ஸ் (34). இவா், காசிமேடு மீன்பிடி துறைமுகத்தில் சொந்தமாக படகு வைத்துள்ளாா். கடந்த 3-ஆம் தேதி இவருடைய படகில் வேலை செய்து கொண்டிருந்த கரிநரேஷ், அம்பதி நீலகண்டன் ஆகிய இடையே திடீரென மோதல் ஏற்பட்டு, ஆத்திரத்தில் கரிநரேஷ், அம்பதி நீலகண்டனை படகில் இருந்து கீழே தள்ளிவிட்டாராம்.
இதில் தலையில் பலத்த காயம் அடைந்த அம்பதி நீலகண்டண், ஸ்டான்லி அரசு மருத்துமனையில் சோ்க்கப்பட்டு, அங்கு உயிரிழந்தாா்.
இதுகுறித்து காசிமேடு போலீஸாா் வழக்குப் பதிவு செய்து விசாரணை நடத்தினா்.
இந்த நிலையில், அம்பதி நீலகண்டன் இறந்ததால், அடிதடி வழக்கை கொலை வழக்காக மாற்றி கரிநரேஷை (27) கைது செய்தனா்.
