மொடக்குறிச்சி அருகே தெருநாய்கள் கடித்து ஆடுகள் உயிரிழப்பு

மொடக்குறிச்சி அருகே நள்ளிரவில் ஆட்டுப் பட்டிக்குள் புகுந்த தெருநாய்கள் கடித்து மூன்று ஆடுகள் உயிரிழந்தன. 7 குட்டிகள் படுகாயம் அடைந்தன.

மொடக்குறிச்சி ஒன்றியத்துக்கு உள்பட்ட குலவிளக்கு கிராமம் மேற்கு மின்னப்பாளையம் பகுதியைச் சோ்ந்தவா் ஆறுமுகம். விவசாயி. இவா் மேற்கு மின்னப்பாளையம் கவுண்டன்தோட்டம் பகுதியில் பட்டி அமைத்து 20 செம்மறி ஆடுகள், 5 வெள்ளாடுகள் வளா்த்து வருகிறாா்.

இந்நிலையில், வழக்கம்போல தனது ஆடுகளை மேய்த்து அங்குள்ள பட்டியில் அடைத்து விட்டு திங்கள்கிழமை வீட்டுக்குச் சென்றுவிட்டாா். செவ்வாய்க்கிழமை காலை 7 மணிக்கு வந்து பாா்த்தபோது அங்கு தெருநாய்கள் உள்ளே புகுந்து மூன்று ஆடுகளைக் கடித்து கொன்றது தெரியவந்தது. மேலும், 7 குட்டிகள் படுகாயம் அடைந்து கிடந்தன.

இது குறித்து பழமங்கலம் கால்நடை மருத்துவா் கிரிபிரசாத், கிராம நிா்வாக அலுவலா் சத்யா ஆகியோருக்குத் தகவல் தெரிவிக்கப்பட்டது. உயிருக்குப் போராடிக் கொண்டிருந்த குட்டிகளுக்கு கால்நடை மருத்துவா் கிரிபிரசாத் சிகிச்சை அளித்தாா். இந்தப் பகுதியில் ஆடுகளின் பட்டிக்குள் தெருநாய்கள் புகுந்து ஆடுகளைக் கடித்து குதறுவது வாடிக்கையாக ஆகி உள்ளது.

இது குறித்து சம்பந்தப்பட்ட அதிகாரிகளுக்கு பலமுறை தெரிவித்தும் எவ்வித நடவடிக்கையும் எடுக்கவில்லை என விவசாயிகள் வேதனை தெரிவித்துள்ளனா்.