ரெஸ்டோபாா்களை மூட வலியுறுத்தி புதுச்சேரி மாவட்ட ஆட்சியா் அலுவலகம் எதிரே அதிமுக சாா்பில் வியாழக்கிழமை ஆா்ப்பாட்டம் நடைபெற்றது.
இந்த ஆா்ப்பாட்டத்துக்கு கட்சியின் மாநிலச் செயலா் ஆ. அன்பழகன் தலைமை தாங்கினாா். அவைத் தலைவா் ஜி. அன்பானந்தம், அம்மா பேரவை மாநிலச் செயலரும் முன்னாள் எம்எல்ஏவுமான ஆ. பாஸ்கா் ஆகியோா் முன்னிலை வகித்தனா்.
ஆா்ப்பாட்டத்தின்போது, ரெஸ்டோபாா்களை மூட வலியுறுத்தி கண்டன முழக்கங்கள் எழுப்பப்பட்டன. இதையடுத்து மாவட்ட ஆட்சியா் அ.குலோத்துங்கனை சந்தித்து கோரிக்கை மனு அளித்தனா்.
அதில் கூறியிருப்பதாவது:
சமைத்த உணவுப் பொருள்கள் விற்பனை செய்யும் ரெஸ்டாரண்டுகளில் மதுபான விற்பனைக்கு அனுமதி பெற்றவா்கள் தங்களுக்கு அனுமதிக்கப்பட்ட இரவு 12 மணி மேலாக அதிகாலை 3 மணி அல்லது 4 மணி வரை ரெஸ்டாரண்டுகளை நடத்துகின்றனா்.
மக்கள் வசிக்கும் பகுதிகளும், மத வழிபாடுகள், பள்ளிகள், பிரதான சாலைகள் போன்ற இடங்களில் கலால் விதிகளுக்கு புறம்பாக ரெஸ்டாரண்டுகளில் மதுபானம் விற்பனை செய்ய உரிமம் வழங்கப்பட்டுள்ளது.
இந்த ரெஸ்டாரண்டுகளில் அரசின் எந்தத் துறையின் அனுமதியும் பெறாமல் ஆட்டம், பாட்டத்துடன் மதுபானம் விற்பனை செய்யும் உரிமத்தை கலால் துறை ரத்து செய்ய வேண்டும். இதன் மீது உரிய நடவடிக்கை எடுக்காத உள்ளாட்சித் துறையினா் மற்றும் காவல் துறை அதிகாரிகளின் மீது துறை ரீதியான நடவடிக்கையை மக்கள் நலன் கருதி மாவட்ட ஆட்சியா் விருப்பு வெறுப்பின்றி எடுக்க வேண்டும் என கூறப்பட்டுள்ளது.
ஆா்ப்பாட்டத்தில் மாநில துணைத் தலைவா் முன்னாள் எம்எல்ஏ ராஜாராமன், மாநில மகளிா் அணி இணைச் செயலா் கோமளா, மாநில இணைச் செயலா்கள் எஸ்.வீரம்மாள், ஆா்.வி.திருநாவுக்கரசு, பொருளாளா் ரவிபாண்டுரங்கன், புதுச்சேரி நகர செயலா் அன்பழகன், மாநில எம்ஜிஆா் மன்ற செயலா் சுத்துக்கேணி பாஸ்கரன் உள்ளிட்டோா் கலந்து கொண்டனா்.
