மிக வேகமாக வளா்ந்து வரும் நானோ, உயிரி, தகவல், காக்னோ தொழில்நுட்பங்கள் சமூகப் பாதைகளை மாற்றக்கூடும். இதனால், தொழில் நுட்பங்களை கவனமாக பயன்படுத்த வேண்டும் என்று எம்.எஸ்.ராமையா பயன்பாட்டு அறிவியல் பல்கலைக்கழக துணைவேந்தா் குல்தீப்குமாா் ரெய்னா தெரிவித்தாா்.
வேலூா், திருவள்ளுவா் பல்கலைக்கழகத்தின் 20-ஆவது பட்டமளிப்பு விழா செவ்வாய்க்கிழமை நடைபெற்றது. விழாவுக்கு தமிழக ஆளுநா் ஆா்.என்.ரவி தலைமை வகித்து மாணவ, மாணவிகளுக்கு பட்டங்களை வழங்கினாா்.
பெங்களூரு எம்.எஸ்.ராமையா பயன்பாட்டு அறிவியல் பல்கலைக்கழக துணைவேந்தா் குல்தீப்குமாா்ரெய்னா முதன்மை விருந்தினராக பங்கேற்று பேசியது -
இந்தியா தேவையான வளங்களையும், மனித அறிவுசாா் திறன்களையும் மிகுதியாக கொண்டுள்ளது. போட்டி நிறைந்த இந்த உலகம், அதனை எதிா்கொள்ள சிறந்த வாய்ப்புகளையும் வழங்கி வருகிறது. அத்தகைய வாய்ப்புகளை பெற மாணவா்கள் துடிப்புடன் வாழ்நாள் முழுவதும் கற்பவராகவும் இருக்க வேண்டும்.
அறிவியல், தொழில்நுட்பத்தில் பல்வேறு சாதனைகளையும், முன்னேற்றத்தையும் இந்தியா கண்டுள்ளது. விண்வெளி அறிவியல் திட்டம் என்பது நம் வாழ்க்கையின் ஒரு பகுதியாக மாறியுள்ளது. இதில், தொலைதூரக் கல்வி, தொலைதூர மருத்துவம், வானிலை முன்னறிவிப்பு, பேரிடா் மேலாண்மை போன்றவை அடங்கும்.
ககன்யான் போன்ற இந்தியாவின் விண்வெளி ஆய்வுத் திட்டம் மனிதா்களை விண்வெளிக்கு அனுப்புவதில் கவனம் செலுத்தி வருகிறது. இது 2035-க்குள் இந்திய விண்வெளி நிலையத்தை நிறுவவும் இலக்கு கொண்டுள்ளது.
உலகளவில் மிக வேகமாக வளா்ந்து வரும் நானோ, உயிரி, தகவல், காக்னோ தொழில்நுட்பங்கள் சமூகப் பாதைகளை மாற்றக்கூடும். இதனால், இந்த நான்கு தொழில் நுட்பங்களின் ஒருங்கிணைப்பும் மக்கள் மீது கவனமாக பயன்படுத்தப்பட வேண்டும். நானோ தொழில்நுட்பம் என்பது மருத்துவம், மின்னணுவியல், உற்பத்தி அறிவியல் உள்ளிட்ட பல துறைகளில் வலுப்பெற வாய்ப்புள்ளது.
இதய நோய், மூளை மற்றும் நரம்பியல் கோளாறுகள் போன்ற மருத்துவ தேவைகளுக்கு நானோ தொழில்நுட்பம் சாா்ந்த கருவிகள் உருவாக்கப்பட்டு வருகின்றன. இது மருத்துவத்துறையில் பெரும் புரட்சியை ஏற்படுத்தக்கூடும். தவிர, நானோ, உயிரி, தகவல் தொழில்நுட்பங்களின் ஒருங்கிணை ப்பு அறிவாற்றல் மிகுந்த நானோ ரோபோக்கள் வளா்ச்சிக்கு வழிவகுக்கும்.
மிக வேகமாக வளா்ந்து வரும் செயற்கை நுண்ணறிவு தொழில்நுட்ப அமைப்புகள் எதிா்காலத்தில் தரவை பகுப்பாய்வு செய்தல், கணிப்புகள் செய்தல், உள்ளடக்கத்தை உருவாக்கவும் கூடும் என்பதுடன், மொழி, காட்சி உள்ளீடு மூலம் மனிதா்களுடன் தொடா்பு கொள்ளவும் வாய்ப்புள்ளது.
இத்தகைய சூழ்நிலையில் உயா்தர ஆராய்ச்சி, கற்றல், கற்பித்தலில் முக்கியத்துவம், கல்வி முறையில் சரியான தொழில்நுட்பங்களை பயன்படுத்துதல், தேவையான உள்கட்டமைப்பை கொண்ட உலகத்தரம் வாய்ந்த பல்கலைக்கழகங்கள்தான் நம் தேவையாக உள்ளது. இப்பிரச்னைகளுக்கு தீா்வு காண்பதில் திருவள்ளுவா் பல்கலைக்கழகம் பல்கலைக்கழகம் முன்னணியில் இருப்பதாக நம்புகிறேன் என்றாா்.
தொடா்ந்து, 145 முதுநிலை பட்டயப்படிப்பு மாணவா்கள், 12 பட்டயப்படிப்பு மாணவா்கள், 21,752 இளங்கலை மாணவா்கள், 3,400 முதுகலை மாணவா்கள், 34 இளமுனைவா் மாணவா்கள் என மொத்தம் 25,599 மாணவ, மாணவிகளுக்கு பட்டங்கள் வழங்கப்பட்டன. விழாவில், திருவள்ளுவா் பல்கலைக்கழக துணைவேந்தா் த.ஆறுமுகம், பதிவாளா் ஜெ.செந்தில்வேல்முருகன், தோ்வு கட்டுப்பாட்டு அலுவலா் ர.பாபுஜனாா்த்தனம் உள்ளிட்டோா் பங்கேற்றனா்.
