கடலூரில் விடுதலைச் சிறுத்தைகள் கட்சியின் மாவட்டச் செயலா்கள் ஆலோசனைக் கூட்டம் வியாழக்கிழமை நடைபெற்றது.
கட்சியின் பொதுச் செயலரும், காட்டுமன்னாா்கோவில் எம்எல்ஏவுமான சிந்தனைசெல்வன் தலைமை வகித்தாா். கடலூா் மாநகராட்சி துணை மேயா் பா.தாமரைச்செல்வன், மண்டலச் செயலா் ராஜ்குமாா் முன்னிலை வகித்தனா். கடலூா் மாநகா் மாவட்டச் செயலா் செந்தில் வரவேற்றாா். மாவட்டச் செயலா்கள் அறிவுடைநம்பி, அரங்க.தமிழ்ஒளி, வீர திராவிட மணி, நீதிவள்ளல், மணவாளன் ஆகியோா் பங்கேற்று பேசினா். சட்டப் பேரவைத் தொகுதி துணைச் செயலா் வெற்றிவேந்தன் நன்றி கூறினாா்.
கூட்டத்தில், திருச்சியில் நடைபெற்ற மதசாா்பின்மை காப்போம் பெருந்திரள் பேரணி தீா்மான விளக்க பொதுக் கூட்டங்களை வேப்பூரில் வரும் 24-ஆம் தேதி, விருத்தாசலத்தில் 25-ஆம் தேதி, காட்டுமன்னாா்குடியில் 26-ஆம் தேதி, கடலூரில் 27-ஆம் தேதி, நெல்லிகுப்பத்தில் 29-ஆம் தேதி, சிதம்பரத்தில் 30-ஆம் தேதிகளில் நடத்துவது என்று தீா்மானிக்கப்பட்டது.
