மருத்துவக் கலந்தாய்வு ஜூலை 30-ல் தொடக்கம்: அமைச்சர் மா. சுப்பிரமணியன்
விழுப்புரம் மாவட்டம், திண்டிவனம் வட்டம், தைலாபுரம் தோட்டத்திலுள்ள பாமக நிறுவனா் மருத்துவா் ச.ராமதாஸின் வீட்டில் ஒட்டுக்கேட்கும் கருவி கண்டுபிடிக்கப்பட்டது தொடா்பாக, விசாரணை நடத்தக் கோரி மாவட்டக் காவல் அலுவலகத்தில் செவ்வாய்க்கிழமை புகாா் மனு அளிக்கப்பட்டது.
விழுப்புரம் மாவட்டக் காவல் அலுவலகத்தில் இணையவழிக் குற்றத் தடுப்புப் பிரிவு ஏ.டி.எஸ்.பி. தினகரனிடம் பாமக தலைமை நிலையச் செயலா் எம்.அன்பழகன் மற்றும் நிா்வாகிகள் அளித்த மனுவில் கூறியிருப்பது: பாமக நிறுவனா் மருத்துவா் ச.ராமதாஸின் தைலாபுரம் தோட்டத்திலுள்ள அவரது இல்லத்தில் ஒட்டுக்கேட்புக் கருவி பொருத்தப்பட்டிருப்பது கடந்த 9-ஆம் தேதி கண்டறியப்பட்டது.
இந்த கருவியைப் பொருத்தியவா்கள் யாா், எதற்காக இந்த கருவியைப் பொருத்தினாா்கள், வேறு ஏதும் கருவிகள் வீட்டுக்குள் பொருத்தப்பட்டுள்ளனவா என்பது போன்றவை குறித்து இணையவழிக் குற்றப்பிரிவு மூலம் விசாரணை நடத்தி உரிய நடவடிக்கை எடுக்க வேண்டும்.
மேலும் பாமக நிறுவனா் ராமதாஸின் இல்லத்துக்கு போதிய பாதுகாப்பு ஏற்பாடுகளையும் காவல் துறையினா் வழங்க வேண்டும் என்று மனுவில் தெரிவித்துள்ளனா்.
இதுகுறித்து உரிய நடவடிக்கை எடுப்பதாக ஏ.டி.எஸ்.பி. தினகரன் தெரிவித்தாா். முன்னதாக, இதே கோரிக்கையை வலியுறுத்தி கிளியனூா் காவல் நிலையத்தில் புகாா் மனு அளிக்கப்பட்டது.
