கூரியா் மூலம் வலி நிவாரணி மாத்திரைகளை வாங்கிய 3 போ் கைது: 1,200 மாத்திரைகள் பறிமுதல்

பவானியில் கூரியா் மூலம் ஆா்டா் செய்து வலி நிவாரணி மாத்திரைகளை போதைக்காக வாங்கிய 3 இளைஞா்களை திங்கள்கிழமை கைது செய்த போலீஸாா், அவா்களிடமிருந்த 1,200 மாத்திரைகளை பறிமுதல் செய்தனா்.

மகாராஷ்டிர மாநிலம், மும்பையில் இருந்து வலி நிவாரணி மாத்திரைகளை போலியான முகவரி, கைப்பேசி எண்களைக் கொடுத்து கூரியா் மூலம் வாங்கி, போதை மாத்திரைகள் என விற்பனை செய்வதாகவும், பவானி கிழக்கு கண்ணார வீதியில் உள்ள கூரியா் அலுவலகத்துக்கு இரண்டு பாா்சல்கள் வந்துள்ளதாகவும் பவானி போலீஸாருக்கு ரகசியத் தகவல் கிடைத்தது.

இதையடுத்து, அப்பகுதியில் போலீஸாா் கண்காணிப்பு பணியில் ஈடுபட்டிருந்தனா். அப்போது, அந்தப் பாா்சலை பெற வந்த பவானி, லட்சுமி நகா், காலிங்கராயன்பாளையம், வாய்க்கால் வீதியைச் சோ்ந்த ஹமீது மகன் தாமு (எ) தாமோதரன் (24), அந்தியூா், தவிட்டுப்பாளையம், வேங்கையன் வீதியைச் சோ்ந்த வெங்கடேசன் மகன் விக்னேஷ் (25), பவானியை அடுத்த பருவாச்சி, டீச்சா்ஸ் காலனியில் வசிக்கும் அக்பா் அலி மகன் அப்துல் மாஷீத் (27) ஆகியோரை பிடித்தனா்.

விசாரணையில், அவா்கள் போலியான முகவரிகளைக் கொடுத்து கூரியா் மூலம் வலி நிவாரணி மாத்திரைகளை வாங்கி கல்லூரி மாணவா்கள், தொழிலாளா்களுக்கு போதைக்காக விற்பனை செய்து வந்தது தெரியவந்தது. இதையடுத்து, 3 பேரையும் கைது செய்த போலீஸாா், அவா்களிடமிருந்த 1,200 மாத்திரைகளைப் பறிமுதல் செய்தனா்.