சந்திர கிரகணத்தை முன்னிட்டு, காங்கயம் அருகே, சிவன்மலை முருகன் கோயிலில் ஞாயிற்றுக்கிழமை (செப்டம்பா் 7) மாலை 6.15 மணிக்கு நடை அடைக்கப்படும் எனத் தெரிவிக்கப்பட்டுள்ளது.
இது குறித்து சிவன்மலை முருகன் கோயில் நிா்வாகத் தரப்பில் கூறியுள்ளதாவது: சந்திர கிரகண நிகழ்ச்சி ஞாயிற்றுக்கிழமை (செப்டம்பா் 7) ஏற்படுவதையடுத்து, காங்கயம் அருகே, சிவன்மலையில் உள்ள சுப்பிரமணிய சுவாமி கோயிலில் ஞாயிற்றுக்கிழமை நடக்கக் கூடிய சாயரட்சை பூஜை, அன்று மாலை 4 மணியளவிலும், அா்த்தசாம பூஜை மற்றும் பள்ளியறை பூஜை மாலை 6 மணியளவிலும் நடைபெறும். பின்னா் மாலை 6.15 மணியளவில் நடை சாத்தப்படும். மேலும், அன்று தங்கரத உலா நடைபெறாது. திங்கள்கிழமை காலை (செப்டம்பா் 8) வழக்கம்போல கோயில் திறக்கப்பட்டு, வழிபாடு நடைபெறும் எனத் தெரிவிக்கப்பட்டுள்ளது.
