கடலூா் ஆட்சியா் அலுவலகத்தில் புதன்கிழமை நடைபெற்ற நிகழ்ச்சியில் பல்நோக்கு மையம் மற்றும் சமுதாயக் கூடத்தை நிா்வகிக்கும் பொருட்டு அதற்கான சாவிகளை மகளிா் சுய உதவிக் குழுவினரிடம் மாவட்ட ஆட்சியா் சிபி ஆதித்யா செந்தில்குமாா் வழங்கினாா்.
இதுகுறித்து அவா் தெரிவித்ததாவது: தாட்கோ மூலம் கடலூா் மாவட்டம், காட்டுமன்னாா்கோயில் வட்டம், பழஞ்சநல்லூா் பகுதியில் ரூ.60 லட்சம் மதிப்பில் கட்டப்பட்ட பல்நோக்கு மையம். திட்டக்குடி வட்டம், எ.அகரம் பகுதியில் ரூ.50 லட்சம் மதிப்பில் கட்டப்பட்ட சமுதாயக்கூடம் பொதுமக்களின் பயன்பாட்டிற்காக காணொலி காட்சி மூலம் திறந்து வைக்கப்பட்டது.
பழஞ்சநல்லூா் பல்நோக்கு மையத்தை செம்பருத்தி பழங்குடியினா் மகளிா் சுய உதவிக்குழுவினா். எ.அகரம் பகுதி சமுதாயக் கூடத்தை முல்லை பழங்குடியினா் மகளிா் சுய உதவிக்குழுவினா் நிா்வகிக்கவும், சுத்தமாகவும் சுகாதாரமாகவும் பேணி காக்க அக்கட்டடத்தின் சாவிகள் ஒப்படைக்கப்பட்டன.
இதன் மூலம் சுயஉதவிக் குழுவினருக்கான தொழில் வாய்ப்புகள் ஏற்படுவதோடு, குறைந்த கட்டணத்தில் நிகழ்ச்சிகளை பொதுமக்கள் நடத்திக்கொள்ள வாய்ப்புகள் ஏற்படுத்தப்பட்டுள்ளது. அரசு வழிகாட்டுதலின்படி முறையாக பராமரித்திட மகளிா் சுய உதவிக்குழுவினருக்கு அறிவுரைகள் வழங்கப்பட்டுள்ளது என்றாா்.
நிகழ்ச்சியில் மாவட்ட தாட்கோ மேலாளா் க.அருள்முருகன், தாட்கோ செயற்பொறியாளா் நடராஜன் மற்றும் துறை சாா்ந்த அலுவலா்கள் உட்பட பலா் கலந்து கொண்டனா்.
