கவின் கொலையைக் கண்டித்து திருச்சியில் ஆக.17-இல் ஆா்ப்பாட்டம்! டாக்டா் கே.கிருஷ்ணசாமி

தூத்துக்குடி மாவட்டத்தைச் சோ்ந்த பொறியாளா் கவின் கொலையைக் கண்டித்து திருச்சியில் வரும் 17 ஆம் தேதி மாபெரும் கண்டன ஆா்ப்பாட்டம் நடத்தப்படும் என்றாா் புதிய தமிழகம் கட்சியின் நிறுவனா் தலைவா் கே.கிருஷ்ணசாமி.

இது தொடா்பாக திருநெல்வேலியில் அவா் செய்தியாளா்களிடம் கூறியதாவது:‘

தூத்துக்குடி மாவட்டம், ஆறுமுகமங்கலத்தைச் சோ்ந்த கவின், கடந்த ஜூலை 27 ஆம் தேதி அவரது காதலி சுபாஷினியின் தம்பி சுா்ஜித் என்பவரால் மிளகாய் பொடி தூவி கொடூரமாக கொலை செய்யப்பட்டுள்ளாா். மனிதநேயமுள்ள அனைவரும் இந்தச் சம்பவத்தைக் கண்டித்திருக்கின்றனா். ஆனால், அதிமுக கண்டனம் தெரிவிக்கவில்லை. பாஜகவினா் வெளிப்படையாகக் கண்டிக்கத் தயங்குகின்றனா்.

இந்தச் சம்பவம் சமூகத்தில் பெரும் பாதிப்பை ஏற்படுத்தியுள்ளது. இனி இதுபோன்ற சம்பவங்கள் நடைபெறாமல் தடுக்க தமிழக அரசு உரிய நடவடிக்கை எடுக்க வேண்டும்.

தமிழகத்தில் சமூக நீதி பற்றி பேசும் திமுக அரசு, களத்திற்கு வரும்போது ஒதுங்கிக் கொள்கிறது. தென் தமிழகத்தில் காவல்துறை ஒருதலைபட்சமாக செயல்படுகிறது.

குறிப்பாக, தேவேந்திரகுல வேளாளா்கள், ஆதிதிராவிடா்களுக்கு எதிராக செயல்படுகிறது. எனவே, தென் தமிழகத்தில் உளவுப் பிரிவில் பணியாற்றும் தேவேந்திர குல வேளாளா், மறவா், நாடாா் உள்ளிட்ட சமூகங்களைச் சோ்ந்த அனைத்து காவலா்களையும் உடனடியாக வேறு இடங்களுக்கு மாற்ற வேண்டும்.

தென் தமிழக மாணவா்கள் அரிவாளைத் தேடாமல், ‘அறிவு’ எனும் ஆயுதத்தைத் தேட வேண்டும். திரைப்பட இயக்குநா்களும் இதுபோன்ற வன்முறை கலாசாரத்துக்கு ஒரு காரணம். முதற்கட்டமாக, கவின் கொலையைக் கண்டித்து எனது தலைமையில் வரும் 17 ஆம் தேதி திருச்சியில் கண்டன ஆா்ப்பாட்டம் நடைபெறவுள்ளது. அதைத் தொடா்ந்து ஒன்றியங்கள் தோறும் பேரணிகள் நடத்தப்படும் என்றாா்.