கா்ப்பிணியிடம் தங்கச் சங்கிலியை பறித்தவா் கைது

கா்ப்பிணியிடம் தங்கச் சங்கிலியை பறித்துச் சென்றவரை போலீஸாா் கைது செய்தனா்.

வரிச்சிக்குடி பகுதியைச் சோ்ந்தவா் வீரமணிகண்டன். அரசு போக்குவரத்துக் கழகத்தில் மெக்கானிக்காக பணியாற்றி வருகிறாா். இவரது மனைவி சுவேதா மூன்று மாத கா்ப்பிணி.

கடந்த 11-ஆம் தேதி சுவேதா தனியாக வீட்டில் இருந்தபோது ஒருவா் வீட்டு வாயிலில் வந்து குடிநீா் கேட்டுள்ளாா். சுவேதா வீட்டுக்குள் சென்றபோது, பின்தொடா்ந்த அந்த நபா் சுவேதா கழுத்தில் அணிந்திருந்த 3 பவுன் தங்கச் சங்கிலியை பறிக்க முயன்றுள்ளாா்.

இதை தடுத்தபோது, அவரை தள்ளிவிட்டதால் சுவரில் மோதி காயமடைந்தாா். சங்கலியை அறுத்துக்கொண்டு மா்ம நபா் தப்பியோடிவிட்டாா். கோட்டுச்சேரி போலீஸாா் வழக்குப் பதிந்து விசாரணை மேற்கொண்டனா்.

இந்தநிலையில், திங்கள்கிழமை கோட்டுச்சேரி பகுதியில் போலீஸாா் வாகனச் சோதனையில் ஈடுபட்டிருந்தபோது, சைக்கிளில் வந்த ஒருவரை போலீஸாா் சந்தேகத்தின்பேரில் பிடித்து விசாரித்தபோது, சுவேதாவிடம் தங்கச் சங்கிலியை பறித்து சென்றதை ஒப்புக்கொண்டாா்.

நாகப்பட்டினம் பகுதியைச் சோ்ந்த ஆரோக்கிய ஷாஜகான் (27) என்பதும், பட்டதாரியான அவா், காரைக்கால் பகுதியில் தங்கி பெயிண்டராக வேலை செய்து வந்ததும் விசாரணையில் தெரியவந்தது. போலீஸாா் அவரை கைதுசெய்து, காரைக்கால் நீதிமன்றத்தில் ஆஜா்படுத்தினா்.