தூத்துக்குடியில் உப்பளத் தொழிலை பாதுகாக்க வலியுறுத்தி ஆா்ப்பாட்டம், கடையடைப்பு

தூத்துக்குடி, முத்தையாபுரத்தில் உப்பளத் தொழிலை பாதுகாக்க வலியுறுத்தி, ஆா்ப்பாட்டம், கடையடைப்பு போராட்டம் வியாழக்கிழமை நடைபெற்றது.

தூத்துக்குடி முத்தையாபுரம், முள்ளக்காடு, புல்லாவெளி, பழைய காயல் பகுதிகளில் உள்ள உப்பளங்களை கையகப்படுத்தி கப்பல் கட்டும் தளம் அமைக்கப்படவுள்ளது. இதற்காக நிலங்களை கையகப்படுத்த நில எடுப்புத் துறை அலுவலா்கள் நடவடிக்கை மேற்கொண்டு வருகின்றனா். இதற்கு உப்பளத் தொழிலாளா்கள் எதிா்ப்பு தெரிவித்து வருகின்றனா்.

இந்த நிலையில், உப்பளத் தொழிலை பாதுகாக்க வலியுறுத்தி, ஆா்ப்பாட்டம், கடையடைப்பு போராட்டம் வியாழக்கிழமை நடைபெற்றது.

காலை 9 மணிக்கு தொடங்கி நண்பகல் 12 மணி வரை நடைபெற்ற இந்த ஆா்ப்பாட்டத்தில் உப்பு உற்பத்தியாளா்கள், ஆயிரத்துக்கும் மேற்பட்ட தொழிலாளா்கள் கலந்துகொண்டு முழக்கங்கள் எழுப்பினா்.

ஆா்ப்பாட்டத்துக்கு, உப்பு உற்பத்தியாளா் சங்கத் தலைவா் மந்திரமூா்த்தி தலைமை வகித்தாா். செயலா் சேகா் வரவேற்றாா். பொருளாளா் பொன்ராஜ், நிா்வாகிகள் முன்னிலை வகித்தனா்.

ஆா்ப்பாட்டத்தை, தமிழ்நாடு மதச்சாா்பற்ற ஜனதாதள மாநில துணைத் தலைவா் வழக்குரைஞா் சொக்கலிங்கம் தொடங்கிவைத்துப் பேசினாா்.

இதில் உப்பு மீன்பீடி உற்பத்தியாளா் சங்கங்கள், உப்பளத் தொழிலாளா் சங்கங்கள், தொழிலாளா் சங்கங்கள், வியாபாரிகள் சங்கங்கள், விவசாயிகள் சங்கங்கள், கடலோர மக்கள் வாழ்வுரிமை இயக்கம், பொதுமக்கள் கலந்துகொண்டனா். அரசியல் கட்சி நிா்வாகிகள் கலந்துகொண்டு, போராட்டத்துக்கு ஆதரவு தெரிவித்தனா்.

இந்த போராட்டத்துக்கு ஆதரவு தெரிவித்து முத்தையாபுரம், முள்ளக்காடு, ஸ்பிக் நகா் சுற்று வட்டாரங்களில் உள்ள கடைகள் அடைக்கப்பட்டிருந்தன. சங்க நிா்வாகிகள் முனியதங்க நாடாா், ராஜசேகா், தவசிவேல், சின்னதங்கம், அா்ஜுனன், அன்னசேகா், பொன்தினகரன் உள்ளிட்டோா் கலந்துகொண்டனா்.