சுதந்திர தினத்தன்று அனைத்து வீடுகளிலும் தேசியக் கொடியேற்றி கொண்டாட வேண்டும் என்பதை வலியுறுத்தி, ஆரணியில் பாஜக சாா்பில் வியாழக்கிழமை தேசியக் கொடியேந்தி ஊா்வலம் நடைபெற்றது.
ஆரணி சூரியகுளம் அம்பேத்காா் சிலை அருகே மாவட்டத் தலைவா் கவிதா வெங்கடேசன் தலைமையில் இந்த ஊா்வலம் தொடங்கியது.
அண்ணாசிலை, காந்தி சாலை, எம்ஜிஆா் சிலை, பழைய பேருந்து நிலையம் வழியாகச் சென்று கோட்டை மைதானம் காா்கில் நினைவுத்தூண் பகுதியில் ஊா்வலம் நிறைவடைந்தது.
நிகழ்ச்சியில் மத்திய அரசு நலத்திட்டப் பிரிவு மாநிலச் செயலா் சைதை வ.சங்கா் வரவேற்றாா். மாவட்ட பொதுச் செயலா் வி.சதீஷ், மாவட்டச் செயலா்கள் சரவணன், சங்கீதா, நகரத் தலைவா் மாதவன் ஆகயோா் முன்னிலை வகித்தனா்.
முன்னாள் நகரத் தலைவா் ஜெகதீசன், முன்னாள் மாவட்ட துணைத் தலைவா்கள் நித்யானந்தம், தீனா, வடக்கு மண்டலத் தலைவா் ராஜேஷ், மகளிா் அணி நிா்வாகிகள் கற்பகம், அமுதா, கவிதா, ஒன்றியத் தலைவா் ஆறுமுகம், சரவணன், ஐயப்பன் உள்ளிட்ட பலா் கலந்து கொண்டனா். முன்னதாக, இந்து முன்னணி மாவட்டத் தலைவா் தாமோதரன் வாழ்த்துரை வழங்கினாா்.
ஊா்வலத்தில் 100-க்கும் மேற்பட்டோா் கலந்து கொண்டனா்.
