காலி மதுபாட்டில்கள் திரும்பப் பெறும் திட்டத்துக்கு எதிா்ப்பு: திருவள்ளூா், காஞ்ச...
மேட்டூா்: லாரி ஓட்டுநரை மதுப்புட்டியால் குத்தியதாக 5 பேரை போலீஸாா் கைது செய்தனா்.
மேட்டூா் அருகே உள்ள திப்பம்பட்டியைச் சோ்ந்தவா் ராஜு (36). லாரி ஓட்டுநா். இவா் கடந்த 29-ஆம் தேதி இரவு தனது லாரியை ராமன் நகரில் நிறுத்திவிட்டு, வீட்டிற்கு செல்வதற்காக தனது சகோதரரை மோட்டாா் சைக்கிளை எடுத்துவரும்படி கூறிவிட்டு, கூனாண்டியூா் பிரிவு சாலையில் நின்றுகொண்டிருந்தாா்.
அப்போது, வீரனூரைச் சோ்ந்த செல்வராஜ் மகன் கோவிந்தராஜ் (30)என்பவா் மது அருந்திய நிலையில் நடுரோட்டில் மதுப்புட்டியை உடைத்துள்ளாா். இதை ராஜு தட்டிக்கேட்டதால் ஆத்திரம் அடைந்த கோவிந்தராஜ் தனது தம்பிகள் முருகன் (24), தேவராஜ் (25), அண்ணன் மூா்த்தி (32), புதுச்சாம்பள்ளியைச் சோ்ந்த சின்னசூசை மகன் அருணகிரி (25), ராமமூா்த்தி நகரைச் சோ்ந்த உத்தரசாமி மகன் பூபதி (30) ஆகியோரை கைப்பேசி மூலம் தொடா்பு கொண்டு சம்பவ இடத்திற்கு வரவழைத்து, ராஜுவை தாக்கி, மதுப்புட்டியை உடைத்து அவரது தலையில் குத்தியுள்ளனா். இதில் அவருக்கு பலத்த காயம் ஏற்பட்டது.
இதைத் தடுக்க வந்த ராஜுவின் தம்பி ஜீவா (30) என்பவரையும் தாக்கியுள்ளனா். பலத்த காயமடைந்த இருவரும் மீட்டு மேட்டூா் அரசு மருத்துவமனையில் சிகிச்சைக்கு சோ்ந்தனா். அக்கம்பக்கத்தினா் வருவதைப் பாா்த்த 6 பேரும் அங்கிருந்து தப்பி ஓடிவிட்டனா்.
இச்சம்பவம் தொடா்பாக கருமலைக்கூடல் உதவி ஆய்வாளா் ஸ்ரீனிவாசன் வழக்குப் பதிவு செய்து கோவிந்தராஜ், முருகன், தேவராஜ், அருணகிரி, பூபதி ஆகியோரை திங்கள்கிழமை கைது செய்து மேட்டூா் நீதிமன்றத்தில் ஆஜா்படுத்தி சிறையில் அடைத்தனா். தலைமறைவாக உள்ள மூா்த்தியை போலீஸாா் தேடி வருகின்றனா்.
