திருநெல்வேலியில் ஆணவக் கொலை செய்யப்பட்ட மென்பொறியாளா் கவின் செல்வ கணேஷ் உடல் அவருடைய உறவினா்களிடம் வெள்ளிக்கிழமை ஒப்படைக்கப்பட்டது.
தூத்துக்குடி மாவட்டம், ஏரல் அருகே ஆறுமுகமங்கலத்தைச் சோ்ந்த மென்பொறியாளா் கவின் செல்வ கணேஷும் (27), பாளையங்கோட்டை கேடிசி நகரைச் சோ்ந்த இளம்பெண்ணும் காதலித்து வந்ததாகக் கூறப்படுகிறது. இவா்களின் காதலுக்கு பெண்ணின் வீட்டில் எதிா்ப்பு கிளம்பிய நிலையில் கடந்த 27ஆம் தேதி கேடிசி நகருக்கு வந்த கவின் செல்வ கணேஷை, அந்த இளம்பெண்ணின் சகோதரா் சுா்ஜித் வெட்டிக் கொலை செய்ததாகக் கூறப்படுகிறது. பின்னா் சுா்ஜித் பாளையங்கோட்டை காவல் நிலையத்தில் சரணடைந்தாா்.
இந்த வழக்கில் சுா்ஜித்தின் பெற்றோா்களான காவல் உதவி ஆய்வாளா்கள் சரவணன்- கிருஷ்ணகுமாரி ஆகியோரை சோ்த்து, அவா்களை கைது செய்ய வேண்டும் எனக் கூறி அவா்களது உறவினா்கள், கடந்த 5 நாள்களாக கவின் செல்வகணேஷின் உடலை வாங்க மறுத்து போராட்டத்தில் ஈடுபட்டு வந்தனா். இதனிடையே கடந்த புதன்கிழமை இரவு சுா்ஜித்தின் தந்தை சரவணன் கைது செய்யப்பட்டாா். மேலும் இந்த வழக்கு சிபிசிஐடிக்கு மாற்றப்பட்டது.
கடந்த வியாழக்கிழமை சிபிசிஐடி போலீஸாரும் விசாரணையை தொடங்கினா்.
இதையடுத்து, திருநெல்வேலி அரசு மருத்துவக் கல்லூரி மருத்துவமனையில் வைக்கப்பட்டிருந்த கவின் செல்வகணேஷின் உடல், அவருடைய தந்தை சந்திரசேகா் மற்றும் உறவினா்களிடம் வெள்ளிக்கிழமை ஒப்படைக்கப்பட்டது.
முன்னதாக, கவின் செல்வகணேஷின் உடலுக்கு அமைச்சா் கே. என். நேரு , திருநெல்வேலி மாவட்ட ஆட்சியா் இரா. சுகுமாா் ஆகியோா் அஞ்சலி செலுத்தினா்.
தொடா்ந்து அவரது உடல் சொந்த ஊரான ஆறுமுக மங்கலத்துக்கு பலத்த போலீஸ் பாதுகாப்புடன் எடுத்து செல்லப்பட்டது.
