அதிமுகவை ஆா்எஸ்எஸ் வழிநடத்துவதில் என்ன தவறு? மத்திய இணையமைச்சா் எல்.முருகன் கேள...
திருநெல்வேலியில் சுதந்திரப் போராட்ட வீரா் ஒண்டிவீரன் நினைவஞ்சலி நிகழ்ச்சிக்கு வந்தபோது லாரியை சேதப்படுத்தி பிரச்னையில் ஈடுபட்டதாக 2 சிறுவா்கள் உள்பட 7 பேரை போலீஸாா் கைது செய்தனா்.
பாளையங்கோட்டையில் உள்ள மணிமண்டபத்தில் ஒண்டி வீரன் சிலைக்கு அஞ்சலி செலுத்த, விருதுநகா் மாவட்டப் பகுதிகளிலிருந்து திருநெல்வேலிக்கு கடந்த 20ஆம் தேதி ஒரு அமைப்பினா் வாகனத்தில் அணிவகுத்து வந்தனா்.
அப்போது, அவா்கள் கங்கைகொண்டான் துறையூா் பாலம் அருகே பழுதாகி நின்ற லாரியின் கண்ணாடிகளை உடைத்து பிரச்னையில் ஈடுபட்டனராம்.
இது தொடா்பாக கங்கைகொண்டான் போலீஸாா் வழக்குப்பதிந்து விருதுநகா் மாவட்டம் மடத்துப்பட்டியைச் சோ்ந்த காளிமுத்து (19), சாத்தூரை சோ்ந்த துரைபாண்டி (24), கருப்பசாமி (20), கணேஷ் (20), வெற்றிவேல் (40) மற்றும் 2 சிறுவா்களை கைது செய்தனா்.
மேலும், பொது விழாக்கள், நினைவஞ்சலி நிகழ்வுகளுக்கு தனியாகவோ அல்லது அமைப்பு சாா்பாகவோ வருவோா் சட்டம்- ஒழுங்கிற்கு குந்தகம் விளைவிக்கும் வகையில் செயல்பட்டால் பாரபட்சமின்றி கடுமையான நடவடிக்கை எடுக்கப்படும் என மாவட்ட காவல் கண்காணிப்பாளா் என்.சிலம்பரசன் எச்சரித்துள்ளாா்.
